طيف المدير العام
عدد الرسائل : 3881 الموقع : admntk.yoo7.com العمل/الترفيه : مشرف المزاج : على حسب ... السٌّمعَة : 27 النقاط : 8562 تاريخ التسجيل : 13/12/2009
| موضوع: ما كل من يركب على الخيل خيال الخميس يونيو 17, 2010 11:32 pm | |
| ماكل من يركب على الخيل خيال ولا كل خيل تعجبك هي أصيـله
ولا كل من يعجبك هرجه برجال بعض العرب ملسون وايده بخيله
الكل يلبس ثوب وشماغ وعقال وعند اللزوم افعالهم هي قليـله
الرجل تثبت له أقاويل بافعال لاقال شئ ونفذه هو دلـيله
والرجل لاشفته مع القيل والقـــال ابعد عنه هذا صفاته عليــله
والكذب خله عنك مافاد لو طال قول الصدق ياصاح غنم وجميـله
وخلك شجاع وذي صفات للابطال اللي كما سيوف تبارق سليـله
واللي شراك اشريه لو كان بالمال خلك معه وان مــــــال دور بديله
واصبر ترى الدنيا تبدل بها أحوال وما كل شئ صافي تشـــــوفه تجيله
وبعد الكدر تشرب صفا عذب وزلال هذا الزمن فيه استــــقامه وميله
وصاحب خليل لو جفـا الوقت مامال ترى الرجل يعرف بقيمة خليـله
واقفل على سرك بكتمان واقفال بعض العرب يسمع و ينوي بحيله
وخلك أمين إذا توليت الأعمال من خان في يوم الحشر يا حليله
خل التواضع فيك واضح بالافعال ترى الكبر يردي بيوم وليـله
ولا تحسد اللي عنده اموال وعيال وش ينفعك لو كان حـــسدك يزيله
ولا تزور تقلب الزين بطـال الله عليم بالنوايا الدخـيله
وخلك رزين ترى المخفه للاطفال واصفح عن المخـــــطي ولو زاد قيله
واحمل همومك لو تزن وزن آلآثقال بكره تروح وتنجلي لو ثقـيله
وصل الفروض ولا تنسيك آلآشغال محدن في الدنيـــــا درى وش بقي له
وزور آلآقارب للرحم كون وصـــــال وخلك عظيم الشان وسط القـبيله
وصلاة ربي عد ماهل همـــــــــــــال على النبي اللي صفـــــاته جليله
[size=25]مماراق لي.. [/size] | |
|
الإبتسامة SOONSOR
1 عدد الرسائل : 1905 الموقع : In my imagination العمل/الترفيه : businesswoman المزاج : Joyous السٌّمعَة : 5 النقاط : 2387 تاريخ التسجيل : 10/12/2009
| موضوع: رد: ما كل من يركب على الخيل خيال الثلاثاء يونيو 29, 2010 5:34 am | |
| وما كل من قال الحب فهم معنااه تسلمي | |
|
ツ】LOOKA SOONSOR
عدد الرسائل : 797 العمل/الترفيه : طالبهـ المزاج : متقلب السٌّمعَة : 36 النقاط : 1011 تاريخ التسجيل : 18/04/2010
| موضوع: رد: ما كل من يركب على الخيل خيال الخميس يوليو 15, 2010 6:03 pm | |
| واللي شراك اشريه لو كان بالمال خلك معه وان مــــــال دور بديله
واصبر ترى الدنيا تبدل بها أحوال وما كل شئ صافي تشـــــوفه تجيله
وبعد الكدر تشرب صفا عذب وزلال هذا الزمن فيه استــــقامه وميله
يعطيك الف الف الف عافيه
سلمت يمناك على هالنقل
دمتي لي
| |
|
طيف المدير العام
عدد الرسائل : 3881 الموقع : admntk.yoo7.com العمل/الترفيه : مشرف المزاج : على حسب ... السٌّمعَة : 27 النقاط : 8562 تاريخ التسجيل : 13/12/2009
| موضوع: رد: ما كل من يركب على الخيل خيال الخميس يوليو 15, 2010 10:58 pm | |
| ابتسااامتي ملاكي دمتم لي بكل الود ودااام وجودكم . | |
|