مستحيل انساك ....

على كثر الهموم اللي تجيني من هنا وهناك
حبيبي كـل هـم يهون يوم القاك قدامي


من اول ما نظر عيني يعانق بارق محياك
بشوفك تحتفل حتى الجــروح وتسكن آلامي


كأني في زمن غير الزمن لما اكون وياك
وكأن العمر يبدا في لقاك وتشرق ايامي


أحبك..كل شي فيني يحبك..يعشقك ..يهواك
ولا حٍد في الهوى مثلي متيم هايم هيامي


عيوني..مهجتي.روحي..فؤادي..منزلك وحماك
حياتي كلها لجلك غرام وعشق متنامي


بروحي والعمر اشري هناك وبسمتك ورضاك
اموت ولا احتمل دمعه تجرّح خدك السامي


انا صحرا الجفاف اللي تمنت في ظماها ماك
حرام انك مطر عمري وانا في دنيتك ظامي


يجوز انسى معك نفسي ولكن مستحيل انساك
لحبك خافـقي يمشي قبل ما تمشي اقدامي


ولكن لو حصل شيٍ لروحي وافرقت دنياك
ومت ولا قدرت اني معاك احقق احلامي


دخيلك بس سامحني..ولا تبكي علي عيناك
وكثّر من دعـا الرحمه ..وهذا منك اكرامي

دخيلك بس سامحني..ولا تبكي علي عيناك

وكثّر من دعـا الرحمه ..وهذا منك اكرامي






توقفت كثيرا مع حروفك




عجزت عن وصف ما تستحق من ثناء




ابداااعك دائما متجدد



دمتي بكل المنى



.