مصافحـه جديـدهـ
خَلّي تعَب قلبـي وكونـي أمانيـه
والا ارحلي فالك طريق السلامـه
يكفي تغلّـي يكفـي القلـب مافيـه
امّـا ارحمـي والا يكفّـي ملامـه
اللي يبي شِعـري وقلبـي يداريـه
ويستقبـل احساسـه بليـا كلامـه
من غير ليـه وكلّـه يقـول لبيـه
والعاشق الصـادق بعينـه علامـه
في نظرته لمحة حزن كلّهـا تيـه
فيهـا حنـان ولاتبيّـن صرامـه
لاسلهمـت باللـي تحبـه تناديـه
غصبٍ عليه تجيب كـل اهتمامـه
وعن كل من حوله بنظـره تسلّيـه
ومن قبل لاينطق تترجـم مرامـه
تبين شاعر موطنك فـي قوافيـه؟
إنتـي تواقيعـه وبصمـة إبهامـه
يسقيك من شعر الهوى عذب صافيه
طيفك معه حتى وهو فـي منامـه
إمّا اعرفي قدره وكونـي هقاويـه
والا تنحّي واخفقـي فـي غرامـه
بعض الرضا موته بكثر المشاريـه
وبعض الزعل تلغيه بس ابتسامـه
الرئيسية 
موضوع: طيفك معه حتى وهو فـي منامـه!! 
الجمعة يناير 08, 2010 7:54 am
