حبيبي الحاضر الغايب دخيلك لاتخليني

متى شمسك علي تعطف متى ليلك يحس فيني
متى ظني معي يصدق واشوفك بالعمر مره



كرهت الناس من بعدك كرهت اللي يواسيني
كرهت ولابقى بالكون من خيره ولاشره




رضيت برفقه احزاني رضيت بشي يعنيني
رضيت بحكمه أيامي زماني لوقضى امره


حبيبي لاتظن البعد حل حلو ينسيني
ورب الكون ياحبي لقيت البعد اهو الذكره


تبيني انساك علمني مني عيني ومن عيني
ولكن حيله المبلي اذا حبك معه عذره


انا طبعي اذا حبيت احب بكل مافيني
اجل لو قلت انا احبك خيالي ماوسع كبره


حبيبي الحاضر الغايب دخيلك لاتخليني
أحس أيامي من بعدك حبيبي كلها حسره



حبيبي هدني بعدك وأنا اللي فيني كافيني
ترفق يابعد عمري وشلي باقي اخسره



امانه مابقى فيني غير العطف يحويني
ولو أني خسرت العطف انا المجنون في أسره



أنا بعدك بقايا أنسان لوتنهيني تنهيني
ولكن قلبك الطيب بموضوعي يرد نظره


لقيتك أجــمل أيامي لقيتك اروع سنيني
لقيتك في خيال الشاعر اللي مالكه فكره


أنا بعطيك ماأبخل بكل ماتملك يديني
ولوقلت العمر بقول تستاهل بعد عمره