مــــوت الــحب

الجرح لاجا من سبب لـه نهايـات
بس الذي ماله سبب كيـف ننسـاه
ماكل جـرح مرنـي لـه علامـات
ولاكل هـم يدخـل القلـب نسـلاه
كل الحيـاة تمرنـي بانتكاسـات
واوقف لهـا رغـم التباريـح والآه
واجهت بالدنيا مصاعـب وصكـات
والحظ ظالمنـي والوقـت مقسـاه
وكل البشر حولي فراد وجماعـات
بافعالهـم زادوا علـي المعـانـاه
وقفت في وجه الكذب والإشاعـات
واخترت منزالٍ ورى سهيل مسـراه
وحملت همي مع جروحي الجديدات
وأخذت لي ركنٍ بعيد عـن خطـاه
ومسحت كل اللي كتبته من ابيـات
من عقب موت الحب وش عاد نبغاه
الناس ترمينـي بهـرج وملامـات
لايازمانـي يكفـي القلـب ماجـاه
ضاعت اماني خاطري دون رغبات
واستوطنت صدري ظروف تحـداه
مليت من كثـر انتظـار المحطـات
وملـت حنايـا خافقـي قولـة الآه
كنت احسب الدنيا لآلـي وجنـات
لين انصدمت بواقع صعب عشنـاه
نسيت وش يعني ضحك وابتسامات
والهم خاواني وانـا مقـدر اجفـاه
صرنا رفاقة درب من يوم مامـات
حب خيالـي غير الوقـت معنـاه

راقت لي

تسلم يدينك يا الغاااليه



بذيل ردي بهالقصيده عسا ان تروق لك كما راقت لي

لاثار في صدري براكين الاهات
	طفيت لاهبها بعذب القصايد
ماكل من نرجيه يأتي بمشهات
	حياتنا مابين يسر وزهايد
الله هو العالم بخافي الخفيات
	يجلي عن المخلوق ثقل الشدايد
قلب" شكا مشتاق ولابه مراعات
	من صاحب" جفواه صارت عوايد
عايش هني البال وقته مسرات
	عزاه من لاجله أسير النكايد
للناس مهما اخفيت لجرحي علامات
	تفضحني الدمعه وذا الحال بايد
قلت أدله الخاطر بروحه وجيات
	مافادني حيثه على الفكر سايد
مايبعد العشاق بعد المسافات
	الصد جرح" ماتفيده ضمايد
والا الوفاء حي" وفي صاحبي مات
	عهد الوفاء أشعل عليه الوقايد

مايبعد العشاق بعد المسافات الصد جرح ماتفيده ضمايد

يروق لي مايروق لك

سلمت اناملك

يهمني تواجدك في مواضيعي

دمتي لي