مســـاء الجرح ياأجمل جروحي وينها دنياكـ
بكى وجه المكـــان اللي تعود طلت جبينكـ
زوايا غرفتي عطرك وقلب يرتجي يلقاكـ
ودفتر يحتضن احلى الاماني واجمل سنينكـ
تغيب وما تغيب بداخلي حبك وذكراكـ
ويكسر هيبتي نفس السؤال واحتضر وينكـ!
اسافر عنك واتغرب اعـــان ِ حبك وانساكـ
وتاخذني الدروب بغربتي لأقرب عناوينكـ
وانام من الالم وأصحى على صوتك ولا القاكـ
والاقي هالزمآن اللي وقف مابيني وبينكـ
وأظل بحيرتي تايه هنا نصفي ..ونصفي هناكـ
واكبر ذنب سويته زرعت الروح في طينكـ
شريتك يوم هالعالم رخصك وللألم خلاكـ
رضيت العيش في صحراء لجل أروي بساتينكـ
حبيبي كان هو قصدك تحطم عاشق يهواكـ
وتزرع في ضلوع اللي يحبك نصل سكينكـ
وهبتك روحي ياعمــري وأكيد ان الجسد يفداكـ
وحاسب قبل لا تطعن !! اخاف تجرح يدينكـ
حلاة الموت ياحبي اذا يوصل على يمناكـ
ترى اجمل شرف اني اموت بطعنة يمينكـ
ولو طــــال العمر بكتب "أحبك في سمـا دنياكـ"
ويبقى هالسؤال اللي كسرني للاسف "وينكـ"!!
الرئيسية 
موضوع: ويكسر هيبتي نفس السؤاال وينكـــ؟؟؟؟ 
الخميس نوفمبر 18, 2010 3:52 am
